Սույն ուսումնական ձեռնարկն ընդգրկում է բուհերի բակալավրատում և մագիստրատուրայում գերմաներեն ուսումնասիրողների համար նախատեսված գերմաներենի բառագիտության դասընթացի այն հիմնական բաժինները, որոնք վերաբերում են այդ լեզվի բառակազմական և դարձվածաբանական առանձնահատկություններին: Այդ առումով տվյալ ձեռնարկը տարբերվում է մինչև այժմ հրատարակված նման աշխատանքներից, իսկ գերմաներենի բառագիտական յուրահատկությունների պարզաբանումը հայերենի փաստերի ներգրավմամբ աննախադեպ է: Ձեռնարկը կարող է օգտագործվել ինչպես լսարանային աշխատանքում, այնպես էլ գերմաներենի բառագիտական երևույթներն ինքնուրույն ուսումնասիրելիս: