Լազերների հայտնագործումը հեղաշրջում առաջացրեց լույսի և միջավայրի փոխազդեցության ուսումնասիրման բնագավառում: Ստեղծվեց և բուռն զարգացում ապրեց նոր ուղղություն` ոչ գծային օպտիկան: Այն միանգամայն նոր հնարավորություններ ընձեռեց նյութերի վարքն արտաքին մեծ ինտենսիվությամբ լուսային դաշտերում ուսումնասիրելու համար:

Սույն ուսումնական ձեռնարկը նվիրված է ոչ գծային օպտիկայի հիմնարար սկզբունքների երևութաբանական նկարագրությանը: Այն կարող է օգտակար լինել բակալավրիատի ու մագիստրատուրայի ուսանողների, ինչպես նաև ասպիրանտների ու բոլոր այն երիտասարդ մասնագետների համար, ովքեր հետաքրքրվում են ոչ գծային օպտիկայի մեթոդներով: