Ձեռնարկում ներկայացված է ցնդող թույների ընդհանուր բնութագիրը: Մանրամասն քննարկված է միատոմ սպիրտների թունաբանական նշանակությունը և հայտաբերման մեթոդները: Անդրադարձ է կատարված նաև ալկոհոլային թունավորումների և ցնդող թույների դատաքիմիական փորձագիտության իրականացման գործընթացում կիրառվող ցնդող թույների հայտաբերման մեթոդներին: Ձեռնարկի փորձարարական մասում ներկայացված են ջրային գոլորշիներով թորմամբ անջատվող նյութերի առանձնացնելու մեթոդը և որոշ ցնդող նյութերի հայտաբերման եղանակները: Ձեռնարկն ավարտվում է թեստային առաջադրանքներով և իրավիճակային խնդիրներով:

Ձեռնարկը նախատեսված է ԵՊՀ ֆարմացիայի ինստիտուտի «Դեղագիտություն», «Դեղագործական քիմիա» և «Քիմիա» մասնագիտություններով ուսանողների համար: Այն կարող է օգտակար լինել նաև դատաքիմիական, բնապահպանական և արդյունաբերական թունաբանության ուսումնասիրությունների ոլորտում ընդգրկված մասնագետների համար։