Ձեռնարկում ներկայացված են թեստեր, խնդիրներ և հարցեր ածխաջրերի, լիպիդների կառուցվածքի և փոխանակության, էներգիային փոխանակության թեմաներով։ Այն նախատեսված է ուսանողների հետ ընթացիկ ստուգողական թեստային աշխատանքներ անցկացնելու, գիտելիքների մակարդակի ստուգման և գնահատման համար։ Ժողովածուն կօգնի պատկերացում կազմել ուսումնական գործընթացի արդյունքների մասին, ինչպես նաև կենսաքիմիա առարկայի ուսումնական գործընթացը առավել արդյունավետ կազմակերպելուն։ Ուսումնական ձեռնարկը հարմար է ուսանողների գիտելիքների յուրացման մակարդակի ինքնաստուգման և ինքնագնահատման համար։ Թեստերը և հարցադրումները հնարավորություն կտան ուսանողներին ամբողջական ընկալել, տրամաբանորեն վերլուծել ստացված գիտելիքները։

Թեստերը կազմված են կենսաբանական քիմիայի ուսումնական ծրագրին համապատասխան։

Ձեռնարկը նախատեսված է կենսաբանություն, կենսաքիմիա, դեղագործություն մասնագիտություններն ուսումնասիրող ուսանողների, կենսաքիմիայի հիմնահարցերով հետաքրքրվողների համար։