Սկզբնաղբյուրների ու գրականության քննական ուսումնասիրության և վերլուծության արդյունքում լուսաբանվում են Հայաստանի Հանրապետության և Սփյուռքի միջև 2001-2017 թվականներին հաստատված գործուն հարաբերությունները: Ներկայացվում են 21-րդ դարասկզբի Հայկական սփյուռքի ընդհանուր բնութագիրն ու առանձնահատկությունները, համասփյուռքյան քաղաքական կազմակերպությունների և կառույցների հասարակական-քաղաքական գործունեությունը Հայոց ցեղասպանության միջազգային ճանաչման և արցախյան հիմնախնդրի լուծման ուղղությամբ: Ընդգծվում ու բացահայտվում է սփյուռքահայ միությունների և կազմակերպությունների, նշանավոր անհատների դերը ՀՀ սոցիալ-տնտեսական վիճակի բարելավման, Հայաստան-Սփյուռք գիտակրթական ու մշակութային կապերի ամրապնդման ու զարգացման գործում:

Աշխատությունը հասցեագրված է սփյուռքագետներին, պատմաբաններին, ինչպես նաև ընթերցող լայն հանրությանը: