Աշխատության մեջ քննության են առնվում 1988-1998 թթ. Ադրբեջանի ներքաղաքական իրավիճակի հիմնական առանձնահատկությունները, իշխանություն-ընդդիմություն պայքարի խորքային պատճառները, ներիշխանական և ներընդդիմադիր ճամբարներում առկա բազմաթիվ հակասությունները, ինչպես նաև Ադրբեջանի ներքաղաքական գործընթացների ու ղարաբաղյան ճակատում ընթացող ռազմական գործողությունների փոխներգործությունը:

Մենագրությունում ներկայացված փաստերը, աղբյուրները և դրանց հիման վրա արված եզրակացությունները նախատեսված են պատմաբանների, միջազգայնագետների, քաղաքագետների, ազգագրագետների, թուրքագետների, իրանագետների և ադրբեջանագետների համար: Աշխատության մեջ առաջադրված դրույթները կարող են օգտագործվել նաև հատուկ դասընթացների դասավանդման ժամանակ, մասնավորապես ղարաբաղյան հակամարտության և Ադրբեջանի պատմության ուսումնասիրության շրջանակներում: