Ժողովածուն ամփոփում է վրաց գործիչների տպավորությունները, ովքեր հաճախակի հավաքվել են Հովհաննես Թումանյանի հյուրընկալ հարկի տակ, խորհրդածել գրականության ու արվեստի, հայ և վրաց ժողովուրդների անցյալի, ներկայի ու ապագայի մասին և անկեղծ զգացմունքներ արտահայտել իրենց բազմաբնույթ երկերում, որոնցում հայ մեծ բանաստեղծը ներկայացված է որպես երևելի գրող, լուսեղեն հանճար, համակովկասյան փարոս, աստվածային պատգամախոս, ժողովուրդներին հաշտեցնող մարգարե, բարեկամության ռահվիրա և այլն:

Գիրքը նախատեսված է թումանյանագետների, հանրության լայն շրջանակների, ինչպես նաև հայ-վրացական հարաբերությունների պատմությամբ հետաքրքրվողների համար։