Ուսումնամեթոդական ձեռնարկն ընդգրկում է հողային և ջրային նմուշներից հանրագումարային նուկլեինաթթուների (ԴՆԹ-ի և ՌՆԹ-ի), բակտերիաների մաքուր կուլտուրաներից ընդհանուր ՌՆԹ-ի և գենոմային ու պլազմիդային ԴՆԹ-ի անջատման, նուկլեինաթթուների որակական և քանակական որոշման, ֆիլոգենետիկական մարկերային գեների ՊՇՌ եղանակով ամպլիֆիկացման, մոլեկուլային կլոնավորման, հաջորդականությունների սեքվենավորման և ստացված հաջորդականությունների կենսաինֆորմատիկական վերլուծության մեթոդներ: Ձեռնարկը ներառում է նաև արծարծվող թեման լուսաբանող համառոտ տեսական տեղեկություն, ինքնուրույն լաբորատոր աշխատանքներ և դրանց կատարման առաջադրանքներ:

Հայերեն լեզվով մոլեկուլային մանրէաբանության լաբորատոր աշխատանքների այս եզակի ձեռնարկը նախատեսված է բուհերի կենսաբանական մասնագիտություններով մասնագիտացող ավարտական կուրսերի ուսանողների, մագիստրոսների և ասպիրանտների համար: