Ժողովածուն ներառում է իսպանացի հանրահռչակ արձակագիր, մտածող, մեծ մարդասեր Գ. Է. Գուարչի հետ հարցազրույցը, ինչպես նաև՝ նրա նամակները: Ինքնատիպ հարցազրույցը գիտելիքի դուռ է բացում դեպի Գ. Է. Գուարչի ստեղծագործություն՝ համադրվելով հայ ժողովրդի պատմության ու Հայոց ցեղասպանության զարհուրելի պատկերներին, արձագանքելով մեր անհանգիստ ժամանակաշրջանի մարտահրավերներին: Հարցազրույցի միջոցով քննարկվում ու վերլուծվում են գրականության, արվեստի, պատմության, քաղաքականության հրատապ խնդիրներ: Երկրորդ՝ «Նամակներ» բաժնում շարունակվում է գեղագիտական գլխավոր սկզբունքի իրացումը՝ հետաքրքրություն ներկայացնելով ոչ միայն իսպանական ու հայ բանասիրության, այլև մեր պատմության բուն բարեշրջման համատեքստում: