Վերապատրաստման սույն դասընթացը պարունակում է ապագա մասնագետի պատրաստման նախադրյալներին, մասնագիտական կերպարի ձևավորմանը և նույնականությանը վերաբերող տեսական նյութեր։ Դասընթացն ընդգրկում է հոգեբանական գնահատման գործիքակազմ, հոգեախտորոշիչ թեստեր և մեթոդիկաներ, գործնական վարժանքներ և տեխնիկաներ։

Մասնագիտական ինքնորոշման և ընտրության վերաբերյալ թեմաները ուղղված են ավագ դպրոցի սովորողների հետ աշխատող մանկավարժների, հոգեբանների, սոցիալական մանկավարժների և սոցաշխատողների հոգեբանամանկավարժական կարողությունների զարգացմանը՝ սովորողներին որպես ապագա մասնագետներ ինքնորոշելու, կողմնորոշելու և արդյունավետ աջակցելու համար։

Դասընթացը մշակվել է ԵՊՀ ընդունելության և դիմորդների հետ տարվող աշխատանքների կենտրոնի հետ համագործակցությամբ կազմակերպվող դպրոցների ուսուցիչների, մանկավարժների և հոգեբանների վերապատրաստման աշխատանքների արդյունքում։