Մենագրության մեջ համալիր ուսումնասիրությամբ ներկայացված է ժողովրդագրական անցման արդի փուլը ՀՀ-ում՝ կանգ առնելով առանձնահատկությունների, միտումների և դրանք պայմանավորող առանցքային իրադարձությունների վրա: Վեր են հանված ժողովրդագրական քաղաքականության, պատմաժողովրդագրական միտումների, 2020 թ. պատերազմի, կորոնավիրուսային համավարակի և այլ գործոնների ազդեցությունը ժողովրդագրական գործընթացների վրա, ներկայացված է ծնելիության և մահացության գործակիցների շարժընթացը, մասամբ՝ նաև միգրացիայի և բնակչության տարաբնակեցման համակարգի ազդեցությունը ժողովրդագրական իրավիճակի վրա: Հետազոտությունն իրականացվել է ՀՀ ԿԳՄՍՆ ԳԿ 21T-6A273 ծածկագրով «Ժողովրդագրական անցման ներկա փուլը ՀՀ-ում» գիտական  նախագծի շրջանակում:

Գիրքը կարող է օգտակար լինել ժամանակակից և պատմական ժողովրդագրության հետազոտողների, պատմաբանների, սոցիոլոգների, ուսանողների և ընթերցող լայն շրջանակների համար: