Սույն կոլեկտիվ մենագրությունը Քաղաքական համա­կարգի կայունության ինդեքսի մեթոդաբա­նու­թյամբ կատարված համեմատական վերլու­ծություն է տարածաշրջանի երկրնե­րի քաղաքական համակարգերի վերաբերյալ։ Մասնավո­րա­պես դիտարկված են Հա­յաստանի, Վրաստանի, Ադրբեջանի, Թուրքիայի, Իրանի, Ռու­սաս­տանի և Ուկրաինայի քա­ղա­քական կայունության միտումներն ու փոխակերպումները։ Երկրների ընտրությունը պայ­մանավորված է տարածաշրջանում աշխարհաքաղաքական բարդ զարգացումներով, դերա­կա­տարների նոր նախաձեռնություններով և ուժերի վերադա­սավորությամբ։ Աշխա­տան­քը ներառում է ինչպես ներերկրային, այնպես էլ միջերկրային վերլու­ծու­թյուններ։ Ներերկրային վերլուծությունն ընդգրկում է տարածաշրջանի երկրների կա­յու­նության քա­ղա­քական, տնտեսական և սոցիալական գործոնների համակողմանի ուսում­նա­սիրությունները 2000-2021/2022 թվականներին։ Միջերկրային վերլուծության շրջա­նակում դիտարկվում են 2022 թվականի քաղաքական կայունության համեմատական ցուցա­նիշներն ըստ նշված երկրնե­րի։ Հետազոտությունը նախատեսված է համալսարանների և գիտահետազոտական կենտրոն­ների գիտնականների, փորձագետների և ուսանողների համար: