Մենագրությունը նվիրված է անգլիալեզու հեղինակային հեքիաթում մարմնավորված գրական երազի կառուցվածքային, իմաստային և գործառութային կերտվածքի առանձնահատկությունների քննությանը։ Նոր հայեցակերպով և ընդգրկմամբ մանկական գրական տեքստի աղերսներում երազն առաջին անգամ ուսումնասիրվում է լեզվաբանական տարբեր գիտակարգերի՝ պատումնաբանության, տեքստաբանության և ոճագիտության զուգադիր հենքի վրա: Բացի այդ՝ մանկագրության համատեքստում գրական երազը դիտարկվում է որպես յուրահատուկ պատումային միջոց՝ ենթարկվելով տիպային և թեմատիկ-գործառութային դասակարգման:

Մենագրությունը կարող է օգտակար լինել ոչ միայն ուսանողներին, այլև լեզվաբանության ու գրականության տեսության խնդիրներով զբաղվող մասնագետներին։