Գրքում ներկայացված են տեղեկություններ Ազգային գեոդեզիական ցանցի (ԱԳՑ) հիմնակետերի, դրանց տեղադրման կարգի ու դիտարկման տևողության մասին։ Մանրամասնորեն անդրադարձ է կատարված ՀՀ բարձունքային ցանցի ստեղծման, հավասարակշռման, ճշտության աստիճանի գնահատման հարցերին:

Ներկայացված են ինժեներական կառույցների հետազոտման, կառուցման ու շահագործման ընթացքում ինժեներական ու գեոդեզիական աշխատանքների կատարման տեսական հիմունքները, տեխնիկական ու տեխնոլոգիական մեթոդները, ինչպես նաև նոր չափիչ գործիքների, արբանյակային գեոդեզիական ընդունիչների, էլեկտրոնային տախոմետրերի, թվային նիվելիրների, ինչպես նաև չափումների արդյունքների հաշվարկման ու մշակման ծրագրերի ներդրմանն առնչվող արդի պահանջները։

Գիրքը հասցեագրվում է բարձրագույն ու միջին մասնագիտական ուսումնական հաստատությունների «Կիրառական գեոդեզիա», «Քարտեզագրություն և կադաստրային գործ» մասնագիտությունների ուսանողներին, ինչպես նաև արդյունաբերության տարբեր ճյուղերում գեոդեզիական աշխատանքներ կատարողներին