Մենագրությունը անդրադարձ է կատարում շրջակա միջավայրի բազմաբնույթ գործոնների գենաթունային ազդեցություններին ու դրանց կենսամարկերների առաջացման մոլեկուլային մեխանիզմներին (պատճառներին), նաև բնութագրվում են գենաթույների խմբերը, դրանց դասակարգման խնդիրները, սկզբունքներն ու թեստավորման ստանդարտացված մեթոդները։

Հակիրճ ներկայացված է մարդու անհատական գենետիկական առանձնահատկությունների և միջավայրի գործոնների նկատմամբ կենսաբանական պատասխանի կապը։ Դրա հիման վրա ձևավորվում և զարգանում են անհատականացված կենսաբժշկության արդի ոլորտները, նաև քննության է առնվում գենետիկայի և արհեստական բանականության մեթոդների համակցման նշանակությունը առողջապահության ոլորտի, ներառյալ պոտենցիալ կանցերոգեն միացությունների հայտնաբերման և կենսաբանական թիրախների կանխատեսման համար։