Քրեական դատավարություն դասագիրքը պատրաստվել է ԵՊՀ իրավագիտության ֆակուլտետի քրեական դատավարության և կրիմինալիստիկայի ամբիոնի պրոֆեսորադասախոսական կազմի կողմից։ Այն շարադրված է 2022 թ. հուլիսի 1-ից ուժի մեջ մտած ՀՀ քրեական դատավարության օրենսգրքի ընդհանուր դրույթներին և մինչդատական վարույթի կառուցվածքին համապատասխան։ Այստեղ լուսաբանված են մինչդատական վարույթի բովանդակությունը կազմող բոլոր հարցերը «ՀՀ քրեական դատավարություն-1» դասընթացի ծրագրին համապատասխան։

Դասագրքում մանրամասն վերլուծության են ենթարկվել օրենսգրքում տեղ գտած բոլոր սկզբունքային նորամուծությունները, ՀՀ Սահմանադրական դատարանի որոշումները, ինչպես նաև ՄԻԵԴ-ի և ՀՀ Վճռաբեկ դատարանի նախադեպային որոշումները։

Դասագրքի հիմքում տրված են ժամանակակից քրեական դատավարության տեսության նվաճումները, քրեական դատավարության օրենսդրությունը և դրա կիրառման պրակտիկան։

Նախատեսված է իրավագիտության ֆակուլտետների ուսանողների, ասպիրանտների, հայցորդների և դասախոսների, ինչպես նաև իրավապահ և դատական համակարգի աշխատողների և քրեական դատավարության հիմնախնդիրներով հետաքրքրվողների համար։