Մենագրությունում ուսումնասիրվում է վարչական իրավունքի տեսության և պրակտիկայի արդիական ու գիտական բարդ հիմնախնդիրներից մեկը, որը ներառում է իրավաչափ կամ օրինական ակնկալիքների պաշտպանության սկզբունքի բովանդակությունը, իրավական բնույթը, կիրառման պայմաններն ու պաշտպանության մեխանիզմները։ Առանձնահատուկ ուշադրություն է դարձվում ինչպես օրենսդրական կարգավորումների, այնպես էլ վարչարարական գործունեության արդյունքում ձևավորված լեգիտիմ ակնկալիքների տարբերակմանը և դրանց պաշտպանության նյութական, ընթացակարգային և հատուցողական ձևերի բացահայտմանը։

Հետազոտության արդյունքները կարող են կիրառվել ինչպես իրավաստեղծ գործունեության կատարելագործման, այնպես էլ վարչական և դատական պրակտիկայի զարգացման նպատակներով։