Մենագրությունում ՀՀ-ի և այլ երկրների քաղաքացիական դատավարության օրենսդրության, ՄԻԵԴ-ի վճիռների, ՀՀ սահմանադրական դատարանի, վճռաբեկ դատարանի, ՀՀ ԴՆԽ-ի որոշումների, դատական պրակտիկայի նյութերի և դատական վիճակագրության տվյալների, ինչպես նաև տեսական աղբյուրների ուսումնասիրության հիման վրա վերլուծվել և լուսաբանվել է ընդհանուր իրավասության առաջին ատյանի դատարանների դատական ակտերի ինստիտուտը, վեր են հանվել այն կազմող նորմերում առկա թերություներն ու բացթողումները և կատարվել են դատավարական օրենսդրության կատարելագործմանն ուղղված առաջարկություններ:

Աշխատությունը կարող է օգտակար լինել իրավաբանական բուհերի, դպրոցների և ֆակուլտետների ուսանողների, մագիստրանտների, ասպիրանտների, դասախոսների, փաստաբանների, դատական մարմինների աշխատողների, ինչպես նաև դատական ակտերի հիմնախնդրով հետաքրքրվող այլ անձանց համար: